Jubilaueko otoitza
Huna Urte sainduko otoitza euskaraz.
Zeruko Aita,
Jesu-Kristo zure seme, gure anaia baitan
fedea eman daukuzu,
eta Izpiritu Sainduaren bidez
maitasunaren sua sortu duzu gure bihotzetan.
Pitz dezatela gu baitan
zure erreinuaren etortzerako
esperantza dohatsua.
Zure graziak kanbia gaitzala,
Ebanjelioaren haziek fruitu emanez,
gizadia eta kreazio guzia handi diten.
Orduan, zeru berri bat eta lur berri baten beha,
gaizkiaren uztarrak garaituak izanen dira,
eta zure ospea betirako agertua.
Jubilauaren graziak,
gu Esperantzaren Beilari eginez,
berri dezala gutan zeruko ontasunen gosea,
eta heda dezala mundu guzian
gure Salbatzailearen bake eta bozkarioa.
Zuri Jainkoa, betirako benedikatua,
ospe ta aintza menderen mendetan.
Amen
Itzulpena : Jean-Michel Barnetche apeza.